عليك الله وامان الله إذا ودك تخليني .... أمانه يابعد حيي أبي قلبي تردينه
فداك القلب ياحيي وعيني يانظر عيني .... فداك الروح ياروحي حرام اللي تسوينه
دخيلك ياخلف ميتي في بعدك لا تبكيني .... ترا بعدك يلوعني حرام البعد تطرينه
أنا من لي بعد عينك هدب ناعس يواسيني .... يلملمني ويشتتني يذوبني بتلحينه
أنا من لي بعد جمرك من الشتا يدفيني .... أنا من لي بعد حضنك دفا وخنجر وسكينه
أنا من لي بعد خدك ... قمر دايم يناجيني ..... يسولف لي وأسولف له عن اللي بيني وبينه
أنا من لي بعد نورك مع الظلمة يقديني .... يموت القلب من بعدك وتتقطع شرايينه
أبي منك رسالة بس طلبتك لا ترديني .... أبي أعرف بها تكفين حبيبك ليش تنسينه
إذا قصرت في حقك أو إني أخطيت لوميني .... أبي أعرف سبب هجرك طلبتك لي تقولينه
وإذا الشغله دلع زيدي دلالك لو قتلتيني ..... غلاتك لو!! ذبحتيني ... منك الموت يازينه
بعد كل الذي قلته وقررتي تخليني ..... أمانه يابعد راسي ... أبي قلبي تردينه
مع خالص حبي ,