اعجبتني هذه الابيات واحببت ان انقلها لكم
وترحل تحسبني اذا رحت اقدر على النسيان
وانا اللي لا طرا طاري رحيلك ضعت بشتاتي
دخيلك بسألك لا رحت منهو فينا الخسران
انا ولا انت؟ جاوب قبل ما تكتب بي اهاتي
انا من عرفتك والسما قوس وغلاك الوان
وارضي تعزف اهزوجة فرح لاجتك خطواتي
وصوتك غيمة احيت جفافي والوصل هتان
وحزن عمري يموت بضحكتك ياكل بسماتي
تعرف انك غلاي وراحتي وان التعب لا بان
يموت ان جيتلك ياللي هواك اجمل حكاياتي
وتعرف اني على بساط احزاني اجمع الاحزان
واكبلها اذا وصلك اخذني من متاهاتي
انا من قبل اعرفك ما لقيت لها العمر عنوان
سوى: حزن وامل ضايع ويأسي هو مداراتي
انا من قبل اعرفك كنت اقول ان الغلا حقران
واقول ان الهوى كذبه، قناعاتي كما الاتي
:
قليل اللي صدق واللي يخون بهالزمن كسبان
كثير اللي يمرون ، وقناعاتي قناعاتي
وجيت انت وعرفت اني بحكمي كنت غلطان
وصرت انت القناعات وحنيني اتجاهاتي
دخيلك مابقى فيني شعور يحتمل خذلان
دخيلك لا تخليني اسير ليأس راياتي
انا مدري عن اللي لي تشيل بداخل الوجدان
شعور بحب او رغبه تشمت بانكساراتي
وكل اللي ابي تعرف، انا مقدر على النسيان
لاني جيتلك كلي وصعب اعيش بشتاتي
